Ageid
Tschartger spert ed an moda nuncumplitgeida
Igl Vocabulari surmiran online permetta da cattar spert en pled. Antschave simplamaintg a screiver en pled an tudestg u an rumantsch ed igls resultats cumparan immediat. Vous na stuez mianc fittar screiver igl pled tschartgea e cliccar sen "tschartger".
Proponer novs pleds e novas expressiuns
Vous pudez far propostas per novs pleds u novas expressiuns. Cliche directamaintg ainten la trav giudem sen "far ena nova proposta", alloura cumpara en formular, aint igl qual vous pudez screiver la vossa proposta e far remarcas. Schi ena tschertga na dat nigns resultats, cumpara mademamaintg igl battung "far ena proposta". Cliche sen chel per darveir en formular, aint igl qual vous pudez screiver las vossas propostas e far remarcas.
Proponer modificaziuns
La redacziun digl Vocabulari surmiran online è angraztgevla, schi vous la randez attenta a sbagls u inconsequenzas. Vous pudez proponer modificaziuns u correcturas cun igl formular correspondent. Igl battung "modifitgier" vign visibel, schi vous gez cun igl cursour dalla meir sur la glista da resultats. Cliche sen chest battung per darveir en formular. Aint igl formular vasez l'andataziun tgi lez curriger. Vous pudez screiver directamaintg aint igl camp. Cun cliccar sen igl + pudez activar daple opziuns. Egna da chellas ò nom "marcar novas propostas u modificaziuns". Active chella cun la meir e vous vasez la vossa modificaziun an calour soura u sot l'andataziun existenta. Chella resta anfignen tg'igl team da redacziun l'ò verifitgeida.
Ulteriouras opziuns
Ulteriouras pussebladads da tschartger e funcziunalitads vasez vous, schi clichez sen igl +.
Lungatg
Vous pudez activar "tudestg e rumantsch" u "tudestg-rumantsch" u "rumantsch-tudestg", tot sagond schi lez tschartger en pled u en'expressiun ainten tottas dus parts dalla banca da datas, angal ainten la part tudestga ubagn angal ainten la part rumantscha.Pussebladads da tschartger
Vous pudez tschartgear igls pleds an differentas modas tot tenor igl voss basigns:Schi vous activez igl quaderign marcar igl pled u l'expressiun tgi vous tschartgez, vignan marcos grass aint igls resultats chels bustabs tgi vous vez scretg aint igl camp da tschartger. Chegl facilitescha magari la survista per cass da blers resultats ubagn expressiuns pi lungas.
- normal: Igl modus "normal" tschertga igl pled andato, tot las ulteriouras noziuns tgi antschevan cun chest pled e tot las expressiuns tgi cuntignan ena noziun tgi antscheva cun chest pled (p.ex. cumpara er "an die Arbeit gehen", schi vous vez andato "arbeit").
- dapertot: Igl modus "dapertot" tschertga tot las noziuns tgi cuntignan igl pled u igls bustabs andatos aint igl camp da tschartger. Cun chel modus pudez vous damai er tschartger modas da deir e locuziuns.
- antschatta: Igl modus "antschatta" tschertga tot igls pleds tgi antschevan cun la noziun da tschertga.
- finiziuns: Igl modus "finiziuns" tschertga tot igls pleds tgi fettan cun igl pled u igls bustabs andatos aint igl camp da tschartger.
- exact: Igl modus "exact" tschertga ainten la banca da datas exactamaintg igl cuntign andato aint igl camp da tschartger.
Schi vous activez igl quaderign marcar novas propostas u modificaziuns, vasez, schi en oter utilisader ò gio proponia da modifitgier en pled u en'expressiun tgi vous levas gist modifitgier. La proposta cumpara alloura an calour davant u siva l'andataziun existenta e resta, anfignen tg'igl team da redacziun l'ò verifitgeida.
La glista da resultats
Igls resultats vignan preschentos ainten ena glista cun dus colonnas. La glista mossa sensom igl pled tschartgea ed an parantesas igls resultats visibels sen la pagina ed igl domber dallas andataziuns cattadas. Sen mintga pagina cumparan maximalmaintg 15 resultats. Schi ena tschertga dat daple tgi 15 resultats, pudez vous sfiglier anavant ed anavos sot la glista per vurdar igls ulteriours resultats. Siva en substantiv cumpara an parantesas quadras er igl genus digl pled (feminin, masculin, etc.). Davant varsaquants verbs cumpara l'icona V. Schi vous clichez sen chella, sa derva ena fanestra cun la conjugaziun cumpletta.
Tge far, schi vous na cattez betg en pled?
Verifitgier l'ortografia
- Vez scretg correctamaintg igl pled rumantsch / igl pled tudestg?
- Attenziun: Igl Vocabulari surmiran online canoscha angal l'ortografia digl surmiran resp. digl tudestg da scritgira!
- Utilise cun andatar pleds tudestgs igls bustabs ä, ö ed ü (betg: ae, oe, ue), andate damai: ändern, öffnen, Bemühung (betg: aendern, oeffnen, Bemuehung).
Verifitgier igl lungatg − vez activo igl dretg lungatg da partenza?
- Vous tschartgez ubagn en pled rumantsch u en pled tudestg: active "tudestg e rumantsch".
- Vous tschartgez la translaziun tudestga d'en pled rumantsch: active "tudestg-rumantsch".
- Vous tschartgez la translaziun rumantscha d'en pled tudestg: active "rumantsch-tudestg".
- Amprue da tschartger cun activar igl modus "dapertot". Vous survagniz tot las expressiuns u modas da deir tgi cuntignan igl pled andato.
Vous tschartgez en substantiv u en nomen
Andate adegna igl pled sainza igl artetgel, damai: cucagna (betg: la cucagna), anviern (betg: igl anviern), sport (betg: igl sport), Überfluss (betg: der Überfluss), Kraftwerk (betg: das Kraftwerk), etc.Andate mintgamai la furma singulara d'en pled, damai: Frau (betg: Frauen), Arbeitskollege (betg: Arbeitskollegen), Bedachung (betg: Bedachungen), Haar (betg: Haare), Schneeschuh (betg: Schneeschuhe), Seelöwe (betg: Seelöwen), Verein (betg: Vereine), etc.Igl madem vala per igls substantivs u nomens surmirans, damai: om (betg: omens), calzer (betg: calzers), tgapi (betg: tgapis), nanign (betg: nanigns), semi (betg: semis), vistgia (betg: vistgias), etc.Vous tschartgez en adjectiv
Andate mintgamai la furma masculina digl singular, damai: mächtig (betg: mächtige), schön (betg: schöne), resp. bel (betg: bels, bela, belas), ampernevel (betg: ampernevels, ampernevla, ampernevlas), tgesan (betg: tgesans, tgesana, tgesanas), etc.
Oters problems cun igl Vocabulari surmiran online?
Schi vous scuntrez sen oters problems cun utilisar igl Vocabulari surmiran online, ans contacte. Igls voss impuls e las vossas remarcas pon contribueir a render chesta purscheida pi nizzevla.
Lia Rumantscha
Redacziun Vocabulari surmiran online